 |
| 大熱倒灶，勇士官方 Facebook page 仍然呼籲球迷支持 Dub Nation，毫無悔意。（Source: GSW Facebook) |
（後記：多謝讀者指正，Dub Nation 指的是 Warriors 的 Fans。美國隊伍的 Fans 常以 Nation 自稱。Facebook page 的 cover 意思是向 Fans 致謝。雖然 Warriors 至今仍無打算道歉，但我的確怪錯了這幅 cover。我柒咗，對唔住。）NBA 季後賽塵埃落定，金州勇士衛冕失敗，輸給克里夫蘭騎士。全灣市民同聲一哭，聽日返工，肯肯定又會講足成日。
一向無跟 NBA，不知邊個打邊個，亦無跟常規賽，只知道金州勇士打破常規賽贏出場數紀錄，只負 9 場。咁勁應該季後賽打遍天下無敵手，想不到竟然差點被雷霆 K.O，西岸決賽止步。對賽之前我連西雅圖超音速搬埋主場去奧克拉荷馬城，改埋名都未知。The rest is history，堂堂三比一都可以被反勝三比四，輸了那幾場確實技不如人。不敢講波，但觀乎Cavaliers 動輒屈機連入八分十分十幾分，唔識睇都知 Warriors 有 bug。
勝利球迷最難接受的，不是支持的球隊落敗，而係自己花了時間。係，我只想到我自己，不要同我講甚麼贏輸都應該支持乜乜物物。
形勢大好之下反輸，領隊主帥不想切腹以謝天華的話，照理起碼應該道個歉。不過賽後記者會，Steve Kerr，Draymond Green 同 Steph Curry 無人道歉，sorry 都無句，最多只係 Green 一句「可能係我錯囉」咁大把。官方 Facebook page 更將 cover 換成 Thank You, Dub Nation! （按：Warriors 是 W 字頭，Dub 是 double-U W 的簡稱。）豈有此理，跟了季後賽一場空，常規賽贏夠 73 場有春用。睇到聽到火遮眼，Cavaliers 都未多謝 Warriors，你叫班 Fans 多謝？個個心碎，多X謝晒。
與此同時，不禁思疑，球隊不為輸波羞恥，是否美國文化一部分。有接受失敗的風度，樂於承認對手優勝，自己技不如人，但又不以為恥，更不認為有欠球迷，彷彿每個廣告都有行細字「球隊成績可勝可負，球迷投入心力之前請自行衡量風險」。難怪當年《菊與刀》在美國引來巨大震撼，美國文化原來係日本的「恥感文化」的相反極端。70 年前的日本人「恥感文化論」也許過時，但美國人的「無恥感文化」，就令我在今日 2016 年 6 月 19 日條氣好唔順！
發泄完畢，人總需要勇敢生存，聽日準時返工。