之前四叔都提過強國水喉問題，認為雖然灣區屋貴主因唔係強國客，就算強國客跌到零，屋仍然會升，不過強國錢在灣區市場上仍然佔一席位。強國錢少咗，屋價會調整但唔會大跌。
唔少港燦見到強國股災都好開心，覺得黑暗盡頭將至，強國水喉就快完，香港樓價回落，自由行大減，天有光⋯⋯ 香港嗰筆四叔唔識睇，但係喺灣區流竄嘅強國錢會唔會就嚟減少呢？四叔可以好肯定咁講：冇咁快！要強國錢回復2009年前水平，起碼要等多兩三年，或者更長。呢兩三年要買樓，都仲係要同強國錢爭。
美國地產公會2015出嘅 international clients 報告 tells us all。International clients 唔淨止強國，不過強國同其他主要國家唔同（加拿大，印度，墨西哥，英國），強國人最最最愛加州，同埋強國人最最最愛市區（例如 san fran），suburb 次之（例如 palo alto, cupertino）。其他國家喜好有機會再講，不過最影響灣區屋價嘅海外資金，始終都係強國錢。而且強國買嘅嘢，中位數成 $831K，遠遠抛離其他國家（全部低過 $500K）。要有咁嘅成交中位數，獵物一定係喺人煙密集嘅地方，例如灣區同 L.A.。
不過最重要嘅係強國水喉有幾強橫，個趨勢其實幾 counter intuitive：
簡單嚟講，就係2012年3月到2013年3月得128億美金，2013年4月到2014年3月有220億美金，升成倍。不過再之後一年，大陸股市開始暴升，強國買美國屋嘅錢都有升不過冇升咁多。咁即係點？即係有幾多美國有幾多強國錢流竄，同大陸股市其實嘅關係唔係咁簡單，升就多啲跌就少啲。四叔唔係話完全冇關係，與其睇個市，反而應該睇強國點樣托市。須知強國最大特點，就係政令不出中南海，泵錢就泵晒出鹹水海。當年用金融海嘯用嗰幾萬億去「振興經濟」，有幾多去咗澳門賭輸咗？有幾多落咗去香港自由行買 coach？有幾多去咗灣區買屋？今次放鬆銀根（人行又減存款準備金率又減息），漏咗嚟灣區買屋嘅錢，會係多咗定少咗？
喺強國，只要一日有「少部份人富起來」，用喺投機投資嘅錢就在。而強國的「少部份」，放諸全世界不同嘅地產市場，其實都唔少。