夏令時間 天怒人怨

3/13/2016 歷史 , 生活
"Saving Daylight!" 1918 年 United Cigar Stores Co. 遊說國會支持 Daylight Saving Time 的海報。
(Source: timezone.com

今晚半夜夏令時間開始,淩晨一點五十九分之後緊接三點。雖然明天不用返工,但變相令 weekend 少了個鐘,還要無啦啦多了一個鐘頭時差,條氣勁唔順。之後還要全屋全車所有鐘都要校過,雖然好大機會 hea 下 hea 下幾個月後先校得晒。

考察 Food Truck,考察條毛

3/11/2016 時事
買完小食,議員們影相打卡食蛋撻,難怪他們會認為 food truck 是「社交活動」。(KTSF 新聞)

睇新聞見到香港議員來到灣區考察 food truck,被考察的 food truck 又「剛剛」賣的正是港式小食,明顯是刻意安排。

聽到郭家麒接受記者訪問,當堂個心離一離。他認為「如果唔係有呢啲餐車呢,我好懷疑會有幾多個外國人鐘意走入去一啲中式鋪頭,食蛋撻,飯奶茶。」嘩,現在甚麼時代?幾乎個個 local 人都有自己最喜愛的 dim sum,亦正如 food truck 老闆所講,灣區大多人都知道何謂 egg tart。今時今日,港式茶餐廳、bakery、甚至茶樓大多都好乾淨企理,不乏 non-Asians 光顧,甚至有 meetup group 去約埋三唔識七去夾份飲茶,人多好嗌嘢食。

最頂癮是他認為 food truck 是灣區「生活一部份,社交一部份」。我未聽過亦想像不到如何在 food truck 附近「社交」。只要在鬧市食飲時間,正正經經找架 food truck 去排隊,就會發現排隊者多為上班族,單拖為主。Food truck 為他們提供快買快食的選項。不過望住其他議員施施然影相打卡食蛋撻的歡樂時光,又難怪他們會認為去 food truck 買嘢食是社交活動。

考察 food truck 考察出這些真知灼見,忽然慶幸自己不用納香港稅,資助是次考察的公帑,我無份出。