又到七一

6/30/2015 時事


短短一年,彷如隔世。每年七一都很上心,會通宵跟着網媒直播和文字報導,看看人數多少,邊條街差佬擋住,邊度有親共阿伯搞嘢(今日所謂「藍絲」)。去年七一特別上心,事關學民學聯呼籲七一提早佔中。心想就算人不到,寫篇文給香港的朋友也無不可。現在回看那篇文,心中不禁納罕。究竟我當時是樂觀覺得有轉機,還是消極覺得遊行上街聊勝如無,我現在竟記不起來。

姨媽傢俬

6/28/2015 生活
Ravenswood 101 signs

香港 IKEA 深宵開倉,以低至一折做招徠,結果導致九龍灣塞人塞車,開倉後短短九個字之後就要草草截龍,柒不引睹。隔岸觀火看在眼內,只能講三個字:「匪夷所思」

Happy Pride!

6/26/2015 時事

Happy Pride!  美國最高法院裁定同性婚姻受憲法保障,與異性婚姻無異,州政府無權禁止,否則違憲。六月本來就是 LGBT Pride Month,支持平權的公司一早準備就緒,Google、Facebook 早就將總部 logo 加添彩虹顏色。

【南灣四叔】點解 south bay 咁少盤?

6/26/2015 住屋 , 南灣四叔
South bay 樓市仍然活躍。一個正常 list price 嘅盤放出市面,無論係 apartment、townhome、定係 single family,一放閒閒地有十個八個 offer。租市亦都係咁,一放 craigslist ,只要叫租合理就唔憂租。總之搵地方住嘅人多得很,再有強國水喉火上加油,租同屋價都真係好難唔升。

人玩 WhatsApp,WhatsApp 玩人

6/24/2015 生活

「等埋發叔」事件餘波未了,賣過百份報公開疑似建制派議員 whatsapp 對話。有幾多成真幾多成假未知,疑點處處。有圖未必有真相,無圖就肯肯定無。

十萬哩路雲和月

6/23/2015 生活

十年前由 Ann Arbor 飛到灣區。剛剛大學畢業,對灣區一無所知。幸好表姐表姐夫早一年在灣區 settle,再加上爸媽、大姨同姨媽一齊觀禮然後一齊到灣區幫我着落。

「邦聯旗」的前世今生

6/23/2015 時事 , 歷史
Confederate Rebel Flag
邦聯戰旗 Confederate Battle Flag (source: wikipedia)

2015年6月17日,在美國 South Carolina 南卡羅來納州 Charleston 市, 黑人教堂正在舉行禱告。White supremacist 白人優越主義者 Dylann Roof 帶槍走入黑人教堂見人就射。九人身亡,全是黑人,包括一名牧師兼州參議員。

慘劇發生後,在南卡首府懸掛的「邦聯旗」(Confederate Flag) 再次成為焦點。輿論要求從首府移除邦聯旗的呼聲日隆。究竟「邦聯旗」幾時成為種族主義的象徵?華文媒體普遍搞錯,以為是因為「邦聯旗」在內戰時代表南方蓄奴州份,跌入白人優越主義者的歷史陷阱。

入鮑魚之肆,久而不聞其臭

6/22/2015 時事 , 生活
按: 一時感言意識流,純粹有感受不吐不快,不知所云。見諒。

幾年前我講過:「唔使同我講大陸點勁點強大。凡喺大陸撈得掂嘅,都唔係我朋友。」

久唔久我都反思,話是否說過頭? 真的要這樣一刀切嗎?

神改神喺邊度?

6/20/2015 文化 , 時事
香港人一向創意澎湃,每逢有蝦碌事件即時改歌抽水,今次政改表決甩轆亦不例外。改歌抽水唔使急,最緊要快,得唔切發叔,歌就要發表。鎅下人自問聽歌不多,只聽過網上較 hit 的十首八首。


【南灣四叔】強國人搶貴晒啲屋?

6/19/2015 住屋 , 南灣四叔
成日有人問四叔:「強個人係咪搶貴晒啲屋?」四叔唔直接答你,我用例子答你。

政改表決:美媒點報香港新聞

6/18/2015 時事

香港政改表決以鬧劇收場,建制派拉隊博流會失敗。等唔到發叔,不過上到 CNN。

不願移民外國做遞菜斟茶,然後呢?

6/17/2015 懷舊

原來我一直都無完整聽過《同舟共濟》整首歌的歌詞。直到近月因緣際會下再聽,聽到最尾幾句,啤咗出聲,差點由個位度跌咗落地。

熱烈地彈琴熱烈地唱

6/17/2015 生活 , 體育
在眾多美式運動中,籃球應是為香港人所熟悉,但偏偏我都 NBA 的理解同條鐵差不多。除了近日帶埋個女開記者會的 Stephen Curry 之外,我一個隊員都說不出,連 Stephen Curry 打邊個位都不知。

美式運動,我識條鐵

6/16/2015 生活 , 體育

寫文時正值 Warriors 在打 NBA 第六場總決賽,如果 Warriors 勝出即可奪冠。執筆之時,Warriors 領先十分八分,奪冠在望。賽事分數大上大落,理應緊湊,但由於廣告休息時間眾多,所以得閒打下 blog 文。

「我住喺矽谷」

6/16/2015 歷史 , 生活
南灣舊地圖,Mayfield 現為 Palo Alto 一部份,Alviso 後來併入 San Jose。


雖然 blog 名叫「香港人在矽谷」,但我從來都不會說「我而家喺矽谷」,只會話「我而家喺三藩市 bay area」。奈何每次返鄉下同鄉親父老,始終要加多句「即係所謂嘅『矽谷』」才能說得明白。撫心自問,這個詞為何乞我憎,我自己都不太清楚。

四個十年,滄海桑田

6/15/2015 生活
以灣區做主場的 Golden State Warriors 金州勇士晉身 NBA 總決賽。「一時之間,幾乎形成一種空氣,甚至是一種壓力,一種誘惑,如果誰沒有看比賽,就好像是一大憾事,不得不擠時間,去湊個熱鬧。」無他,四十年以來首次有機會問鼎冠軍,是不少灣區人來說,是 once a life time 的盛事,有今生冇來世。

放棄 wordpress,投奔 blogger

6/14/2015


在 wordpress 開了 blog 一個禮拜多,越來越覺得 wordpress 不適合我。無可否認,wordpress 平台確實很有彈性,但大前提係你有自己 domain 兼且自己 host。在 wordpress 開而不是自己 host,已經廢了九成武功。然後不付錢,武功又再廢了一半。錢事少,要 maintain 事大。返工已經係對住電腦寫 code 滅蟲 ,工餘時間就想有幾簡化就幾簡化。反正我不是經營甚麼。只是想趁這幾個月會得閒一點,將幾年來的少少想法留個底。

【南灣四叔】 South bay 咁貴邊個嚟住?

6/12/2015 住屋 , 南灣四叔


上次四叔講完 south bay 屋價租金同時高企唔關投資客事,即刻有人問:既然唔關投資客事,咁究竟 south bay 樓市係咪泡沫?雖然四叔完全唔明條問題上文到下理有乜邏輯關係,不過可以傾吓「泡沫」呢樣嘢。

恨之入骨

6/11/2015 時事


一早起身就讀到香港以 7:0 大敗不丹,為早前被中國足總揶揄的香港隊爭回一口氣。

夕陽無限好

6/11/2015 生活
不少人問起鎅下人無啦啦寫 blog。雖然鎅下人一向有發下噏風,散落在 facebook 不同角落,只是近日寫多少少。

五首《唯獨你是不可取替》

6/10/2015 懷舊
學咗日文幾個月,開始聽日文歌。不過人到中年,接到唔到時下後生仔嘅歌風。聽親都係九十年代啲日文歌,旨在同當時廣東歌差唔多。Well, 正確說法係當時好多廣東歌改編自日本歌。九十年代 J-pop hit 歌 list 喺 youtube 比比皆是。每次聽到一首廣東歌的日文原版,都會即刻拿拿淋跟住唱廣東話版歌詞。

日本韓國,高下立見

6/08/2015 時事
一個新沙士,成個韓國露了底。要隔離的病人擅自逃走,還要走得甩。帶菌病人經香港到惠州之後還要聲大夾惡話香港關口人員無問發燒狀況。今日連香港留學生返學帶口罩都被斥「帶些敏感的情緒和感受來我們的班和南韓。」覺得香港人小題大做。防疫意識成效同強國大同小異。相比起日本四年前三一一大地震,即使政界商界腐敗不堪,整個民間社會仍然能有秩有序地自己互相幫助,民間修養之高可見一班。

【南灣四叔】 買樓收租,何罪之有?

6/08/2015 住屋 , 南灣四叔
次按危機之後冇幾耐,矽谷樓價和租就開始止跌回升。四叔當年住喺 Mountain View,租一啲都冇跌過。由 2010 年尾開始,就望住樓價開始由 Palo Alto 開始,然後到 Cupertino、再之後都 Sunnyvale 同 Mountain View 好學區嗰部份,然後狗屎垃圾全個 south bay 都升晒。連續Sunnyvale/Mountain View 次一等區域、San Jose、Santa Clara、Milpitas 都一齊雞犬升天。本來樓價升嘅話可以遲啲入市睇定啲,點知唔止樓價,連租都升到 hihi,搞到一個二個港燦都唔知買好唔買好,毒L們買咗驚跌,又驚要可能人老珠黃要返香港娶港女,到時就要急賣,唔買就焗住捱貴租。四叔每次同人講起呢個話題,一係就之前買咗屋上咗車笑都見牙唔見眼,一係就痛罵炒家。

香港移民進駐前的唐人街《Flower Drum Song》

6/07/2015 文化 , 歷史 , 海外港人

究竟六十年代之前的三藩市唐人街是點樣的?學術書固然記載很多史實,羅列很多數字,但要感受當時的氛圍,往往要靠小說、口述歷史。因緣際會下知道有《Flower Drum Song》這部舞台劇,決定在  Asian-Pacific American Heritage Month 一看。

《Midnight in Peking》中的北平

6/06/2015 文化 , 歷史


New York Times Bestseller《Midnight in Peking》果然名不虛傳,劇情緊湊,歷史味濃。故事以事實為藍本,所有情節都有文獻所本(當然細節經過潤飾,例如對白表情),所以非常逼真。除了追查真相之外,最好看的還是 1937 年的北平。

是大平洋戰爭,不是甚麼八年抗戰

6/06/2015 時事 , 歷史
九七後政府取消重光紀念日,除了避開香港重光後殖民地歷史外,最重要是要用八年抗戰去吞併香港的三年零八個月。近年,三中商出的偽本土香港史,往往將香港日佔時期說成中日戰爭的一部份,而政府更不斷傳播這種史觀,到現在連傳媒都不能倖免。

《港英時代 英國殖民管治術》讀書會

6/05/2015 時事
近年很多有關九七前後比較的書。鄺健銘的新書《港英時代 英國殖民管治術》和李彭廣的《管治香港——英國解密檔案的啟示》書名太接近,所以未太大為意。上次讀李彭廣的著作,大感中伏,內容大多只是英國檔案的劣譯,「啟示」少得可憐,所以今次連帶對鄺的新書亦有戒心。


Fresh of the Boat

6/04/2015 文化 , 海外港人
美國今季最多人談論的新 sitcom 非《Fresh off the Boat》莫屬。《Fresh》以㕑師 Eddie Huang 的回憶錄為藍本,講述 Huang 一家剛剛由台灣移民都美國,再由華盛頓唐人街搬到 Orlando 之後的一系列經歷。以劇論劇其實不錯,典型 ABC 溫馨家庭 sitcom,和《Modern Family》、《Middle》有得比。當然,原著作者,劇中肥仔 Eddie Huang 對 ABC 大改其回憶錄大感不滿,自稱除了第一集 pilot 就無再看,因為和小說無關。不過小弟覺得都是 gimmick。Sitcom 旨在搞笑,當然無可能照足本書。

六四贖罪劵

6/04/2015 六四 , 時事
廿六年前,六四是香港的一件大事。香港人曾寄望北京學運改變中共政府,為九七後香港爭取最優惠條件。當時香港人確信民主是靈丹妙藥,以為中國民主中國好,香港是中國一部份,所以中國民主香港好,甚至連台灣都會好。「大陸民主,兩岸統一水到渠成」成為顯學,不證自明。「建設民主中國」同「人人為我我為人人」一樣正氣。